Bosh prokuratura: bolalar bog‘chasida 180 mln so‘mlik oziq-ovqat mahsulotlari talon-toroj qilingan

Toshkent viloyati Qibray tumanidagi 25-sonli bolalar bog‘chasida oziq-ovqat mahsulotlarini talon-toroj qilish holati aniqlandi. Bu haqda Bosh prokuratura xabar qilmoqda.

Qayd etilishicha, mahkama huzuridagi Departamentning Qibray tuman bo‘limi tomonidan tergovga qadar tekshiruv o‘tkazilgan. Unda 25-sonli maktabgacha ta'lim muassasasining xo‘jalik mudirasi G.R. tomonidan 2018-2019 yillarda jami 180,4 mln. so‘mlik go‘sht, sut va boshqa oziq-ovqat mahsulotlari o‘zlashtirish yo‘li bilan talon-toroj qilinganligi aniqlangan.

Mazkur holat yuzasidan Qibray tumani 25-sonli MTM xo‘jalik ishlari mudirasi G.R.ga nisbatan JKning 167-moddasi bilan jinoyat ishi qo‘zg‘atilgan.

Xabarda aytilishicha, hozirda tergov harakatlari o‘tkazilmoqda.