Нашр маълумотларига кўра, Раззоқ бу давр учун солиқларнинг бир қисмини ошкор даромадлар асосида тўлаган. Бироқ солиқ идоралари маълумотларига кўра, собиқ бош вазир 4 млрд ринггит (1 млрд доллар) миқдоридаги пулни, жумладан Саудия Арабистони қироллик оиласидан олган “молиявий ёрдам”ни декларация қилмаган.
Раззоқнинг партияси 2018 йил майида парламент сайловларида мағлубиятга учраган. Раззоқ истеъфога кетгач унга нисбатан талон-тарожлик, пора олиш, пулларни ювиш, хизмат мавқеини суиистеъмол қилиш ҳолатлари бўйича жиноий ишлар қўзғатилган. Ҳуқуқ-тартибот идораларининг фикрича, Раззоқ 680 млн доллар миқдоридаги давлат маблағини ўғирлаган.
