Рейтингнинг биринчи поғонасида мамлакатнинг 25%дан ортиқ аҳолиси қўллаб-қувватлаётган шоумен Владимир Зеленский бормоқда.
"Агарда яқин ҳафта ичида президент сайлови ўтказилганида Владимир Зеленский - 25,2%, Юлия Тимошенко -17,9%, Пётр Порошенко -15,4% овоз олган бўларди", - дейилади Таҳлил ва прогнозлаш институти сайти хабарида.
Украинада навбатдаги президент сайлови 31 мартда бўлиб ўтади. Давлат раҳбарлиги лавозимига 40 нафар номзод даъвогарлик қилмоқда.
Аввалроқ "Рейтинг" социологик гуруҳи ўтказган сўровномада қатнашганларнинг 25,1%и Зеленскийни, 16,6%и Порошенкони ва 16,2%и Тимошенкони қўллаб-қувватлашини билдирганди.
