«Хитойда ислоҳотлар 70-йилларда (ўтган асрнинг – таҳр.) бошланган. Бизда энди бошланяпти. Бугунги кунда Хитойни қувиб етиб олишимиз қийинроқ, чунки энди бошланмоқда. Айниқса, маиший ва электротехникаларнинг янги йўналишлари. Ҳозирдан, уларни катта “денгиз”га (рақобатга) ташлаб қўйиш бўлмайди. Сал асраб туришимиз керак.
Худо хоҳласа, бу йилдан бошланади, тиббий техникаларни ишлаб чиқаришни йўлга қўямиз. Ҳозирда, 2-3та йирик компаниялар қизиқиш билдириб, бизга келмоқда. Ўтган йили улар билан меморандумларни ҳам имзолаганмиз. Шу билан бизда янги йўналиш пайдо бўлади. Уларни ҳам ҳимоялаймиз. Биз учун охирги натижа, уларнинг барчаси экспорт қилиши керак», - деди Алишер Абдуллаев матбуот анжуманида.
