Ҳужжат билан қишлоқ хўжалигида иқтисодий ислоҳотларни чуқурлаштириш бўйича Республика комиссияси, Ўзбекистон Республикаси Қишлоқ хўжалиги вазирлиги, Фермер, деҳқон хўжаликлари ва томорқа ер эгалари Кенгаши, Давлат статистика қўмитаси, Давергеодезкадастр қўмитаси, Давлат солиқ қўмитаси, Давлат ветеринария қўмитаси, Қорақалпоғистон Республикаси Вазирлар Кенгаши, вилоятлар ва туманлар ҳокимликлари билан биргаликда:
уч ой муддатда озуқа экинлари учун ажратилган ер майдонларининг мавжуд чорва бош сонига мос келишини тўлиқ хатловдан ўтказилиши;
чорвачилик субъектларига ажратилган ер майдонларидан фойдаланиш самарадорлигини ошириш мақсадида юқори ҳосилдор озуқабоп экинларни экиш
ва уларни етиштириш, жамғариш орқали йил давомида талаб этиладиган озуқаларни тайёрлаш тизимини яратилганлиги, ер майдонларига экилган экин турларини ва уларнинг асосий фаолиятига ҳамда талабларига монандлигини ўрганиш;
чорвачилик субъектларида мавжуд чорва моллари бош сони, чорвачилик маҳсулотларини ишлаб чиқариш ва қайта ишлаш ҳажмлари ҳамда ер майдонларидан озуқа экинларидан олинган ҳосил тўғрисидаги ҳисоботларни тўғри ва белгиланган муддатларда давлат статистика органларига тақдим этиш ҳолати;
экин экиш, парваришлаш, етиштириш, йиғиб олиш улардан қишловга сифатли озуқалар тайёрлаш ва соҳа учун зарур бўлган техника, механизм ва ускуналар билан таъминланганлик даражасини баҳолаш;
чорвачилик маҳсулотлари (гўшт, сут, тухум, тери, қоракўл тери, жун, балиқ, асал ва бошқалар)ни етказиб бериш бўйича шартномалар тузилиши ва шартнома мажбуриятларини бажарилишига қонуний баҳо бериш;
зарур техника, агрегат ва ускуналарни сотиб олишда яратилган имтиёзлар, тижорат банкларининг кредит маблағлари ҳамда лизинг шаклларидан фойдаланишнинг аҳволи, мавжуд техникаларнинг яроқлилигини таҳлил қилиш;
маҳсулот сотишдан тушган тушумларни белгиланган тартибда хизмат кўрсатувчи банклардаги ҳисоб-варағига кирим қилинишини ва харажатларнинг банк орқали амалга оширилиши ҳолатини баҳолаш;
2019 йил 1 январдан чорвачилик субъектлари ташкил этилгандан бошлаб 2 йил муддатда замонавий чорвачилик субъектларининг ўз биносига эга бўлиши, талаб қилинадиган (ҳайдов, ўрим-йиғув, транспорт) қишлоқ хўжалик техникалари паркини шакллантириши ва тўйимли озуқа ишлаб чиқариш ускуналарини ўрнатишлари ҳамда 5 йил давомида чорвачилик маҳсулотларини қайта ишлашни йўлга қўйишларини таъминлаш;
чорвачилик маҳсулотлари етиштиришни кўпайтириш ва қайта ишлаш тизимини ривожлантиришга хорижий инвестицияларни жалб қилиш бўйича тегишли тадбирларни амалга оширилишини таъминлашдаги камчилик ва муаммоларни ўрганиш орқали тизимни янада ривожлантириш юзасидан таклифлар киритиш топширилди.
Белгилаб қўйилишича, озуқа экинлари учун ажратилган майдонларидан мақсадли ва самарали фойдаланиш мақсадида ҳар йили 1 декабргача бўлган муддатда Ўзбекистон Республикаси Қишлоқ хўжалиги вазирлигига туман ҳокимликлари томонидан фермер хўжаликлари кесимида қарор билан тасдиқланган келгуси йил учун озуқа экинларини жойлаштириш режаси тақдим қилинади.
Белгиланишича, 2019 йил 1 январдан эътиборан:
бир шартли бош чорва молга ҳисоблаганда Андижон, Наманган, Самарқанд, Тошкент, Фарғона ва Хоразм вилоятларидаги суғориладиган ерларда 0,3 гектарни (наслдор чорвачилик фермер хўжаликлари учун 0,5 гектарни), бошқа вилоятлар ва Қорақалпоғистон Республикасидаги суғориладиган ерларда тегишинча, 0,45 гектарни (наслдор чорвачилик фермер хўжаликлари учун 0,6 гектарни), суғорилмайдиган (лалмикор) ерларда эса 2 гектарни ташкил этади;
туман ҳокимлигининг хулосасига мувофиқ, фермер хўжалигига ижарага берилган ер участкаларида учинчи шахс томонидан маҳсулот етиштириш учун иккиламчи ижарага беришга рухсат берилади.
