Suriyaga yangi raketa hujumi uyushtirildi

Foto: Pikabu

Suriya havo hujumidan mudofaa tizimi PVO Homs viloyatidagi Shayrat aviabazasiga qilingan hujumlarni qaytargan. Bu haqda mamlakat davlat televideniyesiga asoslangan holda Reuters agentligi xabar tarqatgan.

Aniqlik kiritilishicha, barcha raketalar havodaligidayoq urib tushirilgan.

Hozircha bu AQSh, Buyuk Britaniya va Fransiyadan iborat ittifoqchi kuchlarning, yoki terrorchilik tashkilotining hujumi ekani aniq emas. Hujum Isroil tomonidan uyushtirilgan bo‘lishi ham mumkin.

14 aprelga o‘tar kechasi AQSh, Buyuk Britaniya va Fransiya Suriyaning Duma shahrida amalga oshirilgani taxmin etilgan kimyoviy hujumga javoban Suriya bo‘ylab raketa zarbalarini berdi. Suriya hukumati kimyoviy hujum faktini inkor etmoqda va G‘arb mamlakatlari zarbalarini tajovuz deb atamoqda.

Tayyorlagan: Азиз Қаршиев

#Suriya #raketa hujumi

AQSh prezidenti Donald Tramp 14 aprel kuni Suriyaga nisbatan raketa hujumi boshlanganini bildirdi. AQSh va uning ittifoqchilari Suriyada kimyoviy qurollar ishlatilishiga javoban Asad hukumatiga qarshi harbiy amaliyot o‘tkazmoqda.