Компанияда таъкидланишича, бундай технология қўлланилган уч цилиндрли мотор тарихда илк бора ишлаб чиқилмоқда. Янгилик устида Германия, Буюк Британия ва америкалик “Форд” муҳандислари ишлади.
Цилиндрлардан бирининг автоматик тўхташи катта бўлмаган тезликда амалга ошиши мумкин. Бунда двигателнинг барча қуввати керак бўлмайди. Ёқилғини етказиб бериш жараёни ёки ишни тиклаш 14 миллисониядан кўп вақтни олмайди. Ford’нинг ишонч билдиришича, ҳайдовчилар моторнинг икки цилиндрга ўтиши ва аксинча ҳолатни деярли сезмайди. Янгилик двигателнинг 4,5 мингдан кўпроқ бўлган айланишида ишга тушади.
