Baxtiyor Saidov Xitoyda Eron tashqi ishlar vaziri bilan uchrashdi

O‘zbekiston tashqi ishlar vaziri Baxtiyor Saidov Xitoyning Tyanjin shahrida Eron tashqi ishlar vaziri Sayyid Abbos Araqchi bilan uchrashdi.

"Eron tashqi ishlar vaziri Sayyid Abbos Araqchi janoblari bilan uchrashdik, – deb yozdi O‘zbekiston TIV rahbari o‘zining telegram-kanalida. – Uzoq asrlik umumiy tariximiz, madaniyatimiz va iqtisodiy hamkorlikka asoslangan O‘zbekiston-Eron tarixiy boy va ko‘p qirrali munosabatlarini yanada chuqurlashtirish borasida fikr almashdik".

Mamlakatlar o‘rtasidagi savdo hajmi ortib borayotgani ta’kidlandi, hamkorlikni yanada kengaytirish yo‘llari muhokama qilindi. O‘zaro manfaatli sohalarda aloqalarni rivojlantirish bo‘yicha katta foydalanilmagan salohiyat mavjudligiga e’tibor qaratildi.

Mintaqaviy tinchlik, farovonlik va barqaror rivojlanishni ta’minlashda diplomatiyaning muhim o‘rni yana bir bor tasdiqlandi.