Yamandagi ixtilof davomida 90 mingdan ko‘proq kishi halok bo‘ldi

Yamandagi qurolli ixtilof davomida 90 mingdan ortiq kishi halok bo‘ldi. Bu haqda qurolli ixtiloflar oqibatlarini baholash loyihasi dokladida ma'lum qilingan.

Husiylar va hukumat qo‘shinlari o‘rtasidagi to‘qnashuvlar 2015 yildan beri davom etmoqda.

Dokladga ko‘ra, 2018 yil ixtilof davomidagi eng qirg‘inbaroti bo‘ldi. O‘tgan yil to‘qnashuvlar oqibatida 30800 kishi, 2017 yilda 16800 kishi, 2016 yilda 15100 kishi, 2015 yilda 17100 kishi halok bo‘lgan. 2019 yilning ilk 6 oyida Yamanda 11900 kishi ixtilof qurboniga aylangan.