XVJ AQShni savdo urushidan ogohlantirdi

Xalqaro valyuta jamg‘armasi (XVJ) vakili Jyerri Raysning ma'lum qilishicha, uzoq davom etadigan savdo urushlarida faqat mag‘lub bo‘lganlar bo‘ladi. Uning so‘zlari RIA «Novosti» tomonidan keltirilgan.

«Uzoq savdo urushlarida hamma mag‘lub bo‘ladi. Biz mamlakatlarni savdo to‘siqlarini kamaytirish va muammolarga yechim topishda birgalikda konstruktiv ishlashga chaqiramiz, bu favqulodda choralardan foydalanmaslik uchun kerak», - dedi Rays.

Uning afsus bildirishicha, xalqaro savdoda keskin vaziyat, u jahon iqtisodiyotining qo‘llab-quvvatlovi bo‘lgan bir paytda paydo bo‘ldi. Raysning qayd etishicha, ayni damda jahon savdosi YaIMdan ko‘ra ko‘proq o‘sish sur'atlarini ko‘rsatmoqda, bu butun dunyo bo‘ylab iqtisodiyotning tiklanishiga sabab bo‘lyapti.

XVJ vakilining xulosa qilishicha, AQSh tomonidan joriy etilayotgan po‘lat va alyuminiyga bojlar savdoning jiddiy buzilishiga olib kelsa, unda bundan faqat G7 davlatlaridagi eng kambag‘al odamlar zarar ko‘radi.

Eslatib o‘tamiz, avvalroq Fransiya AQShga bojlar uchun yagona va qat'iy javob va'da qilgandi.