Ким Чен Ин Вьетнам президенти билан учрашди 

Шимолий Корея етакчиси Ким Чен Ин АҚШ президенти Дональд Трамп билан музокаралардан кейин Вьетнам президенти Нгуен Фу Чонг билан учрашди. 

Ким Чен Ин ҳамкасбига АҚШ-Шимолий Корея саммитини ташкиллаштиришдаги ёрдами ва илиқ қабул учун миннатдорлик билдирган ҳамда Шимолий Корея ва Вьетнам узоқ йиллардан бери дўстона алоқаларда эканини эслаб ўтган.

“Вьетнамда чегарадан бошлаб мени илиқ кутиб олишгани ва бундай қизғин қабул қилишгани Вьетнам халқининг самимий қалбини ҳис қилишга имкон беради”, деб айтган Ким Чен Ин.  

Ўз навбатида Вьетнам президенти Ким Чен Иннинг ташрифини бир қатор минтақавий масалалар бўйича фикр алмашиш учун яхши имконият деб атаган.