Қўшимча функционаллар
-
Тунги кўриниш
Буюк Британия Каталония мустақиллигини тан олмайди
Буюк Британия Каталония парламентининг мустақиллик ҳақидаги декларациясини тан олмайди. Бу ҳақда Sky News телеканали мамлакат бош вазири Тереза Мэйнинг расмий баёнотига асосланган ҳолда хабар тарқатди.
«Буюк Британия Каталония парламентининг мустақиллик ҳақидаги бир томонлама декларациясини тан олмади ва бундан кейин ҳам тан олмайди. Бу декларация Испания суди ноқонуний деб топган референдумга асослангандир», дейилган бош вазирнинг баёнотида.
Бугун, 27 октябрь куни Каталония парламенти минтақа Испаниядан мустақил бўлганини расман тасдиқлайдиган резолюцияни имзолади. Бир соат вақт ўтиб Испания Сенати Конституциянинг 155-моддасини қўллашни маъқуллади. Бу моддада мухтор ҳудуд мамлакатдаги тартибга дахл қилган пайтда мухторият ҳуқуқи тўхтатилиши белгиланган. Шу тариқа, сенат Каталония мухторияти раҳбариятини ҳокимиятдан четлаштириб, минтақада Мадриднинг бевосита бошқарувини жорий этиш ҳақидаги резолюцияни қабул қилди.
Бундан аввалроқ АҚШ, Германия ва Украина ҳукуматлари Каталониянинг бир томонлама мустақиллик эълон қилишини Испаниянинг суверенитетига ва ҳудудий яхлитлигига зид деб эълон қилишганди.
Каталонияда мустақиллик референдуми
Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.
Мавзуга оид
10:53 / 24.12.2025
Грета Тунберг Лондонда Фаластинга бағишланган акцияда қўлга олинди
18:13 / 19.12.2025
Британия «Россия билан алоқалари туфайли» Ўзбекистоннинг 4 та компаниясига қарши санкциялар киритди
22:28 / 17.12.2025
Британия Абрамовичдан «Челси»ни сотишдан олган даромадини Украинани қўллаб-қувватлашга йўналтиришни талаб қилди
12:08 / 17.12.2025